أدوات رسم للاطفال

 تنمية موهبة الرسم عند الأطفال

الأطفال بطبيعتهم يحبون الرسم أو التلوين ويعتبر وسيلة للتعبير عن مشاعرهم، لذلك من المهم توفير جميع الأدوات اللي تنمي من موهبة الرسم عندهم، وبما ان الطفل يحتاج يجرب كل مرة أداة معينة عشان يبدع ويبعد عنه الملل مهم تكون الأدوات بسعر توفيري بحيث يقدرون الأهل يوفرون كل الأدوات لأطفالهم.

أدوات رسم للاطفال اللي ضروري تكون عند كل طفل:

 

كراسة الرسم ضروري تكون متوفرة بأحجام وأشكال مختلفة لمنع الملل عن طفلك، وكل ما انتهى الطفل من كراسة نطلع له كراسة جديدة بالحجم اللي يحتاج له ونخليه يبدع فيها.

الألوان أنواعها كثيرة والاختيار حسب عمر الطفل وتفضيله، إذا طفلك صغير الأفضل تشترين له الألوان الشمعية لأنها آمنة جداً للصغار، وفيه باليت الألوان المائية مع الريشة يستمتعون فيها الصغار كثير وتعطيهم مجال يتفننون بدمج الألوان والجميل إنها قابلة للإزالة من الملابس، وحلو تعطونهم مجال في وقتهم المفضل انهم يختارون بين الألوان السابقة أو الألوان الخشبية  و أقلام التلوين المائية عشان ما يطفشون من تكرار الأدوات نفسها كل مرة.

الأدوات متوفرة لكن طفلي يمل بسرعة

 لما يكون الطفل ملول ضروري نجرب أشياء جديدة له وإذا مل منها نرفعها عنه ونطلع له شيء من الأدوات اللي سبق وجربها، بطبيعة الحال هذا الوضع طبيعي جداً بس يحتاج طولة بال ونترك الطفل على راحته لأن وقت الرسم والتلوين لازم يكون وقت متعة واكتشاف للطفل ونتبعد من انه يكون وقت توجيهات وحزم.

 

أدوات رسم وتلوين

الطفل يحتاج أدوات جديدة ما مرت عليه وغير اللي تعود عليها عشان يحس انه رسام صغير ويقدر يبدع كثير، من هالأدوات القاعدة الخشبية مع الألوان جميلة جداً ويجي معها 4 ألوان أساسية وريشة.

لوح خشب بيضاوي تقدرون تثبتونة على قاعدة المنتج السابق إذا انتهى الطفل من رسم لوحته.

وأيضاً متوفر لوح دائري خشب مع قاعدة و4 ألوان أساسية وريشة، وكثيرة جداً الاستخدامات الفنية لألواح الخشب منها الرسم والخط وطباعة الصور على المنتج بفن الديكوباج مثل ماهو موضح على الصورة التالية

 

لوح فيها رسومات جميلة وجاهزة للتلوين 

تلوين المجسمات بحيث تساعد على تنمية مهارات الطفل الحسية وتنمية الإبداع

 لوحة مع ستاند للارتست الصغير برسومات جميلة جاهزة للتلوين 

تلوين القناع بما يتناسب مع ذوقه الخاص ليرتديه ويلعب به بعد تلوينه

دفتر تلوين برسومات متعددة وجميلة تعطي الطفل المجال للاختيار كل مرة بدون ما يمل وبيستمتع فيه كثير

 

ولأن الأطفال يستهلكون هذي الأدوات بسرعة وبعضهم للأسف يضيعونها، الأفضل يا أصدقاء ريال البركة دائماً تبحثون جيداً عن السعر الأقل عشان توفرون.