كيف تختار الهدية المناسبة
كيف تختار الهدية المناسبة لما تكونين حابه تهدين شخص يعز عليك ومحتاره وش الهدية اللي تختارينها، هذي الخطوات ممكن تساعدك على الاختيار الصحيح: 1. حددي الميزانية المناسبة لك وحاولي ماتتعدينها. 2. شوفي اهتمامات الشخص وعمره وايش مناسبة الهدية. 3. ابتعدي قدر الامكان عن الهدايا اللي مايستفيد منها الشخص. 4. إذا قدرتي تسألين شخص مقرب منه وش اللي يحتاج له هالشيء بيختصر عليك الوقت والجهد. 5. حاولي تبتعدين عن العطور لان الأذواق تختلف فيها كثير واختيارها صعب إلا إذا كنتي عارفه عطره المفضل كذا ممكن تختارين شيء يناسب ذوقه. 6. الشراء المسبق للهدايا ممكن يوفر عليك مبلغ جيد، في حال كنتي عارفه ان فيه مناسبة قريبة خلصي الهدية بدري لان لما يكون وقتك ضيق بتضطرين تشترين هدية خارج الميزانية اللي حددتيها. الهدية بمعناها مو بقيمتها حلو لما تكون الهدية بسيطة وغير متكلفة لأن أهم شيء نوصل مشاعرنا الحلوة، ومنها مانحرج الشخص بكلفتها العالية، لان بعض الأشخاص يهمهم يردون الهدية بهدية في أقرب مناسبة لك، فلما تكون غالية ممكن ينحرجون وقت تجهيز هديتهم ويضطرون يتعدون الميزانية اللي تناسبهم. أبرز المناسبات