أفكار توزيعات مواليد واكياس هدايا للأمهات الجدد

صار تجهيز استقبال المواليد من أهم الطقوس اللي تشغل بال الأمهات والآباء خصوصاً الاحتفال للتعبير عن فرحتهم بأول طفل وأول طفلة.

وعشان يقدرون الآباء انهم يسوون حفل للمولود الجديد بشكل مميز وجميل، لا بد من التفكير والتخطيط للتفاصيل الصغيرة مرة واللي تضيف الكثير من الجمال لحفلة الاستقبال.

من أهم هذي التفاصيل هي توزيعات الحفلات وأكياس الهدايا الخاصة بالحفل، حيث تعكس هذي الأمور للضيوف ذوق ورُقي الحفل، وتدل على الاهتمام بالتفكير بكل صغيرة وكبيرة فيه.

أمور ضروري تفكر فيها وقت اختيار توزيعات حفلة الاستقبال:

اختيار توزيعات مواليد لها فائدة على المدى البعيد، حاولي انك تبتعدين عن توزيعات البيبي اللي لا يمكن الاستفادة منها وتكون نهايتها مرمية في سلة المهملات.

اختيار ثيم “تعليقات وزينة” للحفل يتناسب مع التوزيعات اللي تم اختيارها، مثلًا في حال كان ثيم الحفل هو الخيل حاولي انك تختارين توزيعات تتناسب معه.

فكري بتناسق التوزيعات مع اكياس الهدايا والتغليف، وتذكري دائماً أن جمال التغليف يعكس مدى رقي وجمال الهدية اللي داخلها.

بعد ما تنتهين من الأمور المتعلقة بالاختيارات، من البديهي تبدأين التفكير بطريقة العرض بحيث ما تضيع جهودك السابقة هباءً، اختاري ستاند عرض جميل يتناسب مع ثيم الحفل بالكامل، وبعدها اعرضي كل اللي عندك بطريقة جميلة وجذابة.

من الأمور التي تُضيف لمسات جمالية، اختيارك للبس لك ولمولودك يتناسب مع تجهيزات وتحضيرات الحفل كذا بتكون عندك لوحة فنية كاملة.

أفكار تساعدك في اختيار توزيعات جميلة وبأسعار مناسبة:

فيه أفكار كثيرة وما تنحصر للتوزيعات والهدايا اللي يمكن تقديمها في حفلات الميلاد والمواليد الجدد، ولكن أول شيء نأخذ بعين الاعتبار جنس المولود، لأن توزيعات المواليد الأولاد  تختلف عن توزيعات وهدايا البنات.

أفكار توزيعات المولود

تغلب على هدايا وتوزيعات الأولاد اللون الأزرق أو السماوي أو ما يضاهيها من الألوان، ومن أشهر توزيعات حفلات الأولاد هي: 

علب تخزين زرقاء جميلة الشكل وشفافة بالإمكان تضيفين لها قطعة شوكولاتة أو قطعة كوكيز، يقدر يستفيد منها الضيف بعد انتهاء الحفل.

توزيعات أنتيكا، تستخدم للتزيين وبإمكانك تضيفين لها تولة عطر أو قطعة شوكولاتة، منها لونين جميلة وأنيقة فضي وذهبي.

قوارير بلاستيكية أو زجاجية بأشكال متعددة أكيد تتناسب مع ثيم الحفل اللي اخترتيه.

افكار توزيعات المولودة

عادة ما تكون تفاصيل المولودة أكثر بكثير من المولود، وهذا اللي يُعطي الأم مجال واسع وخيارات متعددة لاختيار توزيعات طفلتها بشكل جميل ورائع، قد تكون هذي إحدى الأفكار:

تاقات وردية، تستخدمينها في تزيين طاولة الاستقبال  أو الصواني أو تعلقينها على التوزيعات وعلب الماء، تقدرين بعد تكتبين عليها اسم مولودتك ويحتفظون فيها حبايبك كتذكار لطفلتك.

تغريسات المواليد، والجميل تقدرين تختارين الشكل واللون المناسب لحفلتك، واستخداماتها متعددة منها تنغرس بشكل جمالي على الحلويات والكيك والموالح.

توزيعات وردية بتصاميم متنوعة، تقدرين تختارين التصميم اللي يناسبك ويكون هو من ضمن توزيعات حفل البيبي وتضيفين لها قطعة شوكولاتة أو ميني كوكيز، وبالعافية على حبايبك.

في النهاية ضروري تعرفين أن الحفلات والمناسبات لازم يتم التخطيط لهم بتركيز وقبل فترة من التوقيت الفعلي لها، عشان تقدرين تبدعين في اختيار التغريسات والهدايا والألوان والتوزيعات وكل اللي تحتاجين له وبكل روقان ومنها ما يكون وقتك ضيق وتتعدين ميزانيتك، ولا تنسين أهم شيء التقاط الصور الجميلة عشان يبقى هذا اليوم الجميل بذكرياتكم وتورينه طفلك الجميل لا كبر.